Мінус дваццаць. Ветрана. І снежна.

RSS Feed
Сярэдняя: 2.5 (2 галасоў)

"Мінус дваццаць. Ветрана. І снежна.
Вусцішна ад зімняга разбою..."--
верш даносам пішацца няспешна.
Добра й тое.

Добра, што находзіць шчэ натхненне.
Люты ў Мінску, А ў панельным доме
ўсе плюс дваццаць (можа, крыху меней)
для мяне і насякомых

(ачуняўшы, б"ецца ў шыбу муха).
Да вясны -- зусім падаць рукою
праз мароз, вятрыску, завіруху...
Добра тое.