Прыгажуня ў агнях

Прыгажуня ў агнях
Дзіцячае навагодняе

З найбліжэйшага базару
тата ёлачку прынёс –
хвойны пах плыве па залу,
ударае нам у нос.

Ёлка пахне зімнім лесам.
Пахне святамі яна.
Ты з марозу – будзеш грэцца,
трошкі пажывеш у нас.

Я, бацькі, сястрычка зранку
прыбіранне пачалі –
прыбіраем кватарантку
ў вату, бліскаўкі, шары.

Прыбіраем у гірлянды,
каб свяцілася яна,
каб былі бязмерна рады
мы агеньчыкам штодня.

Радуемся прыгажуні
ў разнаколерных агнях,
у зялёненькай кашулі,
у каралях, і няйнакш.

Хутка – не за дзён гарамі –
года новага прыход!
Светлым, як гірлянд каралі,
хай жа будзе новы год!